今次做幾款衫, 三位麻豆都係淘寶店既老闆娘, 睇岩可以幫趁下.

http://sweetmami.taobao.com

http://guluyy.taobao.com

http://shop35990790.taobao.com

http://www.develove.net

返嚟喇。七月頭半個月忙住搬公司嘢同project，十五號晚開始由深圳出發，隨陸路經賀州，陽朔，桂林，昆明，麗江，香格里拉，最後去到雲南同四川交界嘅女兒國。今次係自兩年前去上海後第一次出門，而且無訂任何車票同酒店就由陸路起行，初初係有啲擔心，好彩有internet，一路都算順利。

喺度分享下早兩日由瀘沽湖反麗江古城嗰段路。麗江溫差好大，平均十到二十度之間。海拔較高，天空好似好近咁，有時候車會喺雲入面行。氧氣少啲，紫外線會高啲，會突然落一陣大雨，又突然出太陽。當地人主要係藏族，納西族同埋摩梭族，漢族比較少。古城入面都係小橋流水，庭院楊柳。整體感覺乾爽，文化味厚且土地肥沃。而瀘沽湖喺麗江既東北面, 由古城坐車去大約六個鐘. 入到深山之後環山形成一個湖面海拔2690米嘅大湖. 湖有五份三係屬於四川, 五份二係雲南. 嗰度係摩梭族既原居地, 即係女兒國. 男女只會走婚, 細路都係由女家負責養. 男人幫手養妹妹既仔女, 自己既仔女由女方既舅父養咁. 兩家人財政獨立. 帶我去環島遊個司機龍哥話, 須然唔洗簽任何結婚証明, 但係因為走婚呢個習俗, 佢地反而更多白頭到老.

要由瀘沽湖走的話, 一定要先上到山再落山. 走之前兩日因為落完雨, 山路全部比泥封死哂. 有人已經困左喺度兩日出唔返去. 車只可以去到半山, 外面嘅車最多上到山頂. 而山路都已經行唔到, 要爬上山. 有唔少人拎住嘅係手拉式行李箱, 山路好多都係60度咁上. 加上又曬空氣又簿, 經過30分鐘山路之後, 結果有啲人要吸氧氣先上得到車. 上到車, 諗起之前香格里拉一個藏族嘅導遊話, 喺咁惡劣嘅環境之下, 如果冇一個信仰, 係好難生存落去. 馬路上面乜野都有, 有豬, 牛, 雞, 馬, 羊, 驢, 狗, 鴨...甚至一群喺度曬太陽既摩梭細路, 係唯一冇圍欄. 動物對車冇概念, 岩岩到麗江嗰陣, 就喺古城外面見過一隻流浪狗遭殃嘅過程. 我仲估, 呢六個鐘會過得比平日慢. 然後, 睇下風景, 聽下風聲. 發現原來好快已經到. 數字係呢個世界入面似乎無乜特別意義. 難怪每次有人問司機仲有幾耐會到嗰陣, 司機嘅答案都係一個: 該到的時候就會到了.

頭先同個朋友跑完步, 有人跑輸左請食沙县小食, 4蚊一份蒸餃, 6蚊一份雲吞麵. 本來今日應該講下食粽先岩, 但係後面檯果班佬講起蒸魚腸, 搞到鬼咁想食. 細個果陣阿媽間唔中都會整下油炸鬼魚腸蒸蛋, 好香, 送飯一流. 但後尾阿媽話無人賣同埋好惡搞, 已經好多年冇食過. 係大六住左一段時間都冇話特別想食, 係早排有次係廣州點果陣話冇哂, 加埋今朝比班佬繪形繪聲講到咁好味. 好. 等公司果度quit左, 開始之前搞返個very cheap, very trip去食下野, 影下相. 今日都幾大風, 返黎果陣d妹叫哂, 話比風吹返轉頭, 我就覺得算係局得黎好涼爽. 返黎影左小小野, 吟兩句屈原既"漁父"應下節, 試下寫篇諗左好幾日都唔認知點寫既日記, 夜d蒸埋兩隻紅豆粽食, 可能搵套野睇下, 睇幾頁書, 咁又一day.

今年大年初一同媽咪去探一個親戚之前, 佢係老虎岩上面講左d以前果度發生過既事, 我返黎將佢寫左個上一輪虎年正月初一情人節既故仔. 早幾日媽咪打黎將"救恩計劃"介紹返, 內容係永恒既家庭同埋生命. 收線之後我又拎返篇野出黎睇, 無章無法, 食哂gag咁都唔知寫乜. 裡面有好多矛盾, 諷刺既地方. 故仔本身就冇出口. 但通過"寫"呢一件事本身, 我接受左入面既矛盾, 打開通去另一個層次既入口. 入面係一個更好既世界.

拜拜姨丈. 今日, 也無風雨也無晴.

當我仲係兩個月, 大明十四歲果陣. 大明帶我去學校偷偷望住Track1返屋企, 夜晚聽The Carpenters既The Singles 1969-1973. 第一首, 係有Close To You前奏既We've Only Just Begun; 我八歲, 大明十六歲. 我地已經冇再去球場踢波, 我地一齊去Track2屋企, 盡情咁揮霍我地唯一有既時間; Track5既時候我已經三十六歲, 大明二十歲. 我地同Track5住埋一齊, 大明卻越變越變細; 到左大明二十六歲, 我七十八歲. 大家好少再有機會見面, 我凈係見過Track8一次, 呢個時候, 好想當大家都係一個人; 最後一次見大明既時候佢二十八歲, 喇叭播出最後一首Close To You. 41.5分鐘入面就好似經歷左一遍輪迴. 停播後所有都會繼續.

It's the end of the world.

一九二九，不出手；
三九四九，冰上走；
五九六九，养花看柳；
七九河开，八九雁来；
九九又一九，遍地耕牛走。

数九是一种中国传统记录时间的方式，从冬至开始每过九天记为一九，共记九九，通常数九的前三九即冬至之后的头一个月是一年中最冷的日子，因此也有"冷在三九"、"三九寒冬"或者"数九寒冬"的说法。上文乃九九消寒图及数九歌，籍此祝愿大家圣诞快乐，珍重待春风。

說一些八十年代的事.

我們小時上學等巴士有一個小遊戲, 這個遊戲裡面我們都是有超能力的, 巴士快要來到的時候, 只要使一使勁, 便能知道那一輪巴士來了. 而有遠視的妹妹是千里眼.

我們小時候都有自己放照片的相簿, 大家會各自將自己成長的照片保管好, 有時間便拿出來大家一起看一下交換一下. 我的一般都是亂放一通, 沒系統的. 但妹妹的一直也把它們編排得井井有條, 按時間, 欄目分開好幾本. 那時互聯網還沒普及, 要不可成為真人flickr. 銘心的腦袋以前已經很靈, 她喜歡默念電視的廣告對白, 凡是考記憶力的遊戲也難不到她, 當中猜撲克是最拿手的, 開過的牌都在她腦子裡.

妹妹性格也很獨特, 她率直, 誠實而且很有愛心. 我們小時候養過很多小動物, 有一次去教會回家的路上, 我們發現了一隻受了傷的小鳥在馬路邊, 妹妹說要把牠帶回家, 並醫好牠. 我們成功了, 小鳥一天一天的康復起來, 最後我們還把牠放生. 沒多久, 小鳥飛回來了. 妹妹傳道時, 每個月最小也寫一次信給我. 告訴我她在外面見到的事物. 這令我想起了那個小遊戲, 如今她的千里眼, 能帶我們看到世界上面更多不同的風景, 而且她還能去得更遠. 用她閃亮的眼睛去見證更多美好的事情的.

所謂既文盲, 就係當佢地想寫一個sms比你, 描述一下對你既感覺果陣, 會拎住電話半個鐘, 結果畫面係得"書到用時方恨少"七個字既生物. 二十世紀以前, 人類一直以為文盲係用黎笑其他人蠢既概念, 直到二零零三年科學家先發現, 原來文盲係真實存在! 果一年有一個成日帶住墨鏡既黑幫大佬, 個個都叫佢墨西哥, 呢個墨西哥掌管住幫會一直秘密繼承落黎既神聖天職 - 係每年春天桃花開既時候, 將一種虫放出黎四圍咬人. 被咬既人首先會閱讀困難, 跟住會詞不達意, 最後仲會變成文盲! 由於呢隻虫體積極細, 咬人又唔痛唔痕, 而且一開始係經過可愛既豬仔黎散播, 所以一直以黎無人發覺. 亦因為呢隻毒虫每年春天開始流行, 所以而家人人都叫佢做"春虫虫".

而今個春天過後, 我會隨校搬入梅窩, 繼續悔改歸正, 出死入生. 所以我覺得應該係走之前對你坦白, 如果你睇完呢個短訊之後仲接受我, 記得入黎探我, 我地一齊去坐纜車.

墨西哥字

你對我說:讀書吧, 今年有數十人要給淘汰了.

你接過我借你的中史書, 然後轉身. 同樣是三年前的背影, 同一間小學六年後, 就在初中的第一天相識, 你拉我的手, 跑到一個新的世界裡. 然而我抓不住一個希望, 因為昨天我看見了地獄, 而今天成為了藉口, 去做一個小丑. 我跑到花墟球場, 脫掉了所有衣服, 跟朋友踢了最後一個夏天的球. 我知道, 一切都會好起來的. 能化就好.

G: 小g. 終於比我度到條絕世好橋, 呢次掂喇!

g: 願聞其詳

G: you! complete me!

g: 老實講, 我覺得你呢個人越黎越語無論次

G: oh my god! what did you say?

g: 放肆

G: 我就係橋. 橋觀兩岸, 兩岸觀橋. son of the bridge! g5g?

g: 你講野可唔可以直接d?

G: i love you. happy valentine.

1. 不做

2. 不休

3. 影影食食推推跌跌

4. 睇

5. 媽咪耍太極

6. 婆婆去飲茶

7. 妹妹讀廣告

8. 女人返老家

9. 零零九 希望食着豆

10. 拍洗頭水廣告我是距絕的, 因為我覺得不能叫我拍我馬上拍.

11. 窮

12. 初一無証過關, 平日木口木面既海關姐姐操一口流利廣東話: 跌左回鄉証牙?

13. 初一無証入境, 平日成日吹水既入境處大叔: 歐陽生, 話返比你知先, 你個陽字係I-E-O-N-G咁拼既.

14. see...through...see...through...see...through (by太極十八式DVD)

15.16.

16. blog.joeai.com

"砰!"

"...黎左喇?"

貪心輸錢贏 輸血不輸錢 人人去輸血 殺人不打風
落雨去離島 離家飲煉奶 見人分遺產 出獄嫌錢腥
快樂冇人格 出家冇人工 攻而無不克 戰無不勝矣

                                        股票必勝法 - 業天

第五浪, 煉奶都有三聚氰胺.

Bitty A.
Let it B.

寫C.
Canon in D.

That is Y.
That is 3.