所謂既文盲, 就係當佢地想寫一個sms比你, 描述一下對你既感覺果陣, 會拎住電話半個鐘, 結果畫面係得"書到用時方恨少"七個字既生物. 二十世紀以前, 人類一直以為文盲係用黎笑其他人蠢既概念, 直到二零零三年科學家先發現, 原來文盲係真實存在! 果一年有一個成日帶住墨鏡既黑幫大佬, 個個都叫佢墨西哥, 呢個墨西哥掌管住幫會一直秘密繼承落黎既神聖天職 - 係每年春天桃花開既時候, 將一種虫放出黎四圍咬人. 被咬既人首先會閱讀困難, 跟住會詞不達意, 最後仲會變成文盲! 由於呢隻虫體積極細, 咬人又唔痛唔痕, 而且一開始係經過可愛既豬仔黎散播, 所以一直以黎無人發覺. 亦因為呢隻毒虫每年春天開始流行, 所以而家人人都叫佢做"春虫虫".

而今個春天過後, 我會隨校搬入梅窩, 繼續悔改歸正, 出死入生. 所以我覺得應該係走之前對你坦白, 如果你睇完呢個短訊之後仲接受我, 記得入黎探我, 我地一齊去坐纜車.

墨西哥字