返嚟喇。七月頭半個月忙住搬公司嘢同project，十五號晚開始由深圳出發，隨陸路經賀州，陽朔，桂林，昆明，麗江，香格里拉，最後去到雲南同四川交界嘅女兒國。今次係自兩年前去上海後第一次出門，而且無訂任何車票同酒店就由陸路起行，初初係有啲擔心，好彩有internet，一路都算順利。

喺度分享下早兩日由瀘沽湖反麗江古城嗰段路。麗江溫差好大，平均十到二十度之間。海拔較高，天空好似好近咁，有時候車會喺雲入面行。氧氣少啲，紫外線會高啲，會突然落一陣大雨，又突然出太陽。當地人主要係藏族，納西族同埋摩梭族，漢族比較少。古城入面都係小橋流水，庭院楊柳。整體感覺乾爽，文化味厚且土地肥沃。而瀘沽湖喺麗江既東北面, 由古城坐車去大約六個鐘. 入到深山之後環山形成一個湖面海拔2690米嘅大湖. 湖有五份三係屬於四川, 五份二係雲南. 嗰度係摩梭族既原居地, 即係女兒國. 男女只會走婚, 細路都係由女家負責養. 男人幫手養妹妹既仔女, 自己既仔女由女方既舅父養咁. 兩家人財政獨立. 帶我去環島遊個司機龍哥話, 須然唔洗簽任何結婚証明, 但係因為走婚呢個習俗, 佢地反而更多白頭到老.

要由瀘沽湖走的話, 一定要先上到山再落山. 走之前兩日因為落完雨, 山路全部比泥封死哂. 有人已經困左喺度兩日出唔返去. 車只可以去到半山, 外面嘅車最多上到山頂. 而山路都已經行唔到, 要爬上山. 有唔少人拎住嘅係手拉式行李箱, 山路好多都係60度咁上. 加上又曬空氣又簿, 經過30分鐘山路之後, 結果有啲人要吸氧氣先上得到車. 上到車, 諗起之前香格里拉一個藏族嘅導遊話, 喺咁惡劣嘅環境之下, 如果冇一個信仰, 係好難生存落去. 馬路上面乜野都有, 有豬, 牛, 雞, 馬, 羊, 驢, 狗, 鴨...甚至一群喺度曬太陽既摩梭細路, 係唯一冇圍欄. 動物對車冇概念, 岩岩到麗江嗰陣, 就喺古城外面見過一隻流浪狗遭殃嘅過程. 我仲估, 呢六個鐘會過得比平日慢. 然後, 睇下風景, 聽下風聲. 發現原來好快已經到. 數字係呢個世界入面似乎無乜特別意義. 難怪每次有人問司機仲有幾耐會到嗰陣, 司機嘅答案都係一個: 該到的時候就會到了.

頭先同個朋友跑完步, 有人跑輸左請食沙县小食, 4蚊一份蒸餃, 6蚊一份雲吞麵. 本來今日應該講下食粽先岩, 但係後面檯果班佬講起蒸魚腸, 搞到鬼咁想食. 細個果陣阿媽間唔中都會整下油炸鬼魚腸蒸蛋, 好香, 送飯一流. 但後尾阿媽話無人賣同埋好惡搞, 已經好多年冇食過. 係大六住左一段時間都冇話特別想食, 係早排有次係廣州點果陣話冇哂, 加埋今朝比班佬繪形繪聲講到咁好味. 好. 等公司果度quit左, 開始之前搞返個very cheap, very trip去食下野, 影下相. 今日都幾大風, 返黎果陣d妹叫哂, 話比風吹返轉頭, 我就覺得算係局得黎好涼爽. 返黎影左小小野, 吟兩句屈原既"漁父"應下節, 試下寫篇諗左好幾日都唔認知點寫既日記, 夜d蒸埋兩隻紅豆粽食, 可能搵套野睇下, 睇幾頁書, 咁又一day.

今年大年初一同媽咪去探一個親戚之前, 佢係老虎岩上面講左d以前果度發生過既事, 我返黎將佢寫左個上一輪虎年正月初一情人節既故仔. 早幾日媽咪打黎將"救恩計劃"介紹返, 內容係永恒既家庭同埋生命. 收線之後我又拎返篇野出黎睇, 無章無法, 食哂gag咁都唔知寫乜. 裡面有好多矛盾, 諷刺既地方. 故仔本身就冇出口. 但通過"寫"呢一件事本身, 我接受左入面既矛盾, 打開通去另一個層次既入口. 入面係一個更好既世界.

拜拜姨丈. 今日, 也無風雨也無晴.

說一些八十年代的事.

我們小時上學等巴士有一個小遊戲, 這個遊戲裡面我們都是有超能力的, 巴士快要來到的時候, 只要使一使勁, 便能知道那一輪巴士來了. 而有遠視的妹妹是千里眼.

我們小時候都有自己放照片的相簿, 大家會各自將自己成長的照片保管好, 有時間便拿出來大家一起看一下交換一下. 我的一般都是亂放一通, 沒系統的. 但妹妹的一直也把它們編排得井井有條, 按時間, 欄目分開好幾本. 那時互聯網還沒普及, 要不可成為真人flickr. 銘心的腦袋以前已經很靈, 她喜歡默念電視的廣告對白, 凡是考記憶力的遊戲也難不到她, 當中猜撲克是最拿手的, 開過的牌都在她腦子裡.

妹妹性格也很獨特, 她率直, 誠實而且很有愛心. 我們小時候養過很多小動物, 有一次去教會回家的路上, 我們發現了一隻受了傷的小鳥在馬路邊, 妹妹說要把牠帶回家, 並醫好牠. 我們成功了, 小鳥一天一天的康復起來, 最後我們還把牠放生. 沒多久, 小鳥飛回來了. 妹妹傳道時, 每個月最小也寫一次信給我. 告訴我她在外面見到的事物. 這令我想起了那個小遊戲, 如今她的千里眼, 能帶我們看到世界上面更多不同的風景, 而且她還能去得更遠. 用她閃亮的眼睛去見證更多美好的事情的.

1. 不做

2. 不休

3. 影影食食推推跌跌

4. 睇

5. 媽咪耍太極

6. 婆婆去飲茶

7. 妹妹讀廣告

8. 女人返老家

9. 零零九 希望食着豆

10. 拍洗頭水廣告我是距絕的, 因為我覺得不能叫我拍我馬上拍.

11. 窮

12. 初一無証過關, 平日木口木面既海關姐姐操一口流利廣東話: 跌左回鄉証牙?

13. 初一無証入境, 平日成日吹水既入境處大叔: 歐陽生, 話返比你知先, 你個陽字係I-E-O-N-G咁拼既.

14. see...through...see...through...see...through (by太極十八式DVD)

15.16.

16. blog.joeai.com

"砰!"

"...黎左喇?"

貪心輸錢贏 輸血不輸錢 人人去輸血 殺人不打風
落雨去離島 離家飲煉奶 見人分遺產 出獄嫌錢腥
快樂冇人格 出家冇人工 攻而無不克 戰無不勝矣

                                        股票必勝法 - 業天

第五浪, 煉奶都有三聚氰胺.

母親生日節快樂!

妳. nds的cooking孖麻, ipod的時候尚早, 黑幕的極速賽車手, 是靈魂的FukKing炒飯. 啊! 我可愛的黃色小本. 入手鳥.

現代已經係未來, 係呢個科爆既年代裡面, 居然有人用全自動相機影到成輯相out哂fo. 成為電腦白痴, 指日可待!

人大左記性麻麻, 凈係記得最近兩個星期既事. 聖誕同媽咪女朋友食自助餐. 買左部電話, 又跌左電話. 二十世紀少年終於結局, 朋友既皇道係老翻既老翻. 村上春樹則在世界盡頭掘純粹既坑. 大陸睇色誡蘋果到喉唔到肺, 番睇無痛失戀先知戲名點黎. 維港唱片聖誕有免費MP3, 農夫d歌都唔錯. 務實, 玩, 洗錢, 搵錢洗, 溝通, 箴默, 放開, 堅持, 忍耐, 愛人, 愛自己. 零八, Act~~~~ion!

近照一張. 好耐冇寫日記, 轉左工, 搬返屋企, 去玩, 忙到hihi.

標童二笑到甩碌, 八十八. Egon Schiele, 九十.  Pageone.

剛完左一年一度既Designer Saturday, 唔同單位更新左portfolio之餘, 各自亦表現不同performance. Xrossover既狗餅, Landor既狗貼紙, ChinaStylus既簽名電單車...唯一美中不足係錯過左Lomo同Marc & Chantal.

臨走經過阿靈推介既海安, 一間五六十年歷史既冰室. 食個餐蛋福字麵加樽鮮奶. 老細兩塊餐肉疊住黎煎, 交疊位置係完全冇煎過架囉. 有性格得很, 巧巧味.