當我仲係兩個月, 大明十四歲果陣. 大明帶我去學校偷偷望住Track1返屋企, 夜晚聽The Carpenters既The Singles 1969-1973. 第一首, 係有Close To You前奏既We've Only Just Begun; 我八歲, 大明十六歲. 我地已經冇再去球場踢波, 我地一齊去Track2屋企, 盡情咁揮霍我地唯一有既時間; Track5既時候我已經三十六歲, 大明二十歲. 我地同Track5住埋一齊, 大明卻越變越變細; 到左大明二十六歲, 我七十八歲. 大家好少再有機會見面, 我凈係見過Track8一次, 呢個時候, 好想當大家都係一個人; 最後一次見大明既時候佢二十八歲, 喇叭播出最後一首Close To You. 41.5分鐘入面就好似經歷左一遍輪迴. 停播後所有都會繼續.

所謂既文盲, 就係當佢地想寫一個sms比你, 描述一下對你既感覺果陣, 會拎住電話半個鐘, 結果畫面係得"書到用時方恨少"七個字既生物. 二十世紀以前, 人類一直以為文盲係用黎笑其他人蠢既概念, 直到二零零三年科學家先發現, 原來文盲係真實存在! 果一年有一個成日帶住墨鏡既黑幫大佬, 個個都叫佢墨西哥, 呢個墨西哥掌管住幫會一直秘密繼承落黎既神聖天職 - 係每年春天桃花開既時候, 將一種虫放出黎四圍咬人. 被咬既人首先會閱讀困難, 跟住會詞不達意, 最後仲會變成文盲! 由於呢隻虫體積極細, 咬人又唔痛唔痕, 而且一開始係經過可愛既豬仔黎散播, 所以一直以黎無人發覺. 亦因為呢隻毒虫每年春天開始流行, 所以而家人人都叫佢做"春虫虫".

而今個春天過後, 我會隨校搬入梅窩, 繼續悔改歸正, 出死入生. 所以我覺得應該係走之前對你坦白, 如果你睇完呢個短訊之後仲接受我, 記得入黎探我, 我地一齊去坐纜車.

墨西哥字

你對我說:讀書吧, 今年有數十人要給淘汰了.

你接過我借你的中史書, 然後轉身. 同樣是三年前的背影, 同一間小學六年後, 就在初中的第一天相識, 你拉我的手, 跑到一個新的世界裡. 然而我抓不住一個希望, 因為昨天我看見了地獄, 而今天成為了藉口, 去做一個小丑. 我跑到花墟球場, 脫掉了所有衣服, 跟朋友踢了最後一個夏天的球. 我知道, 一切都會好起來的. 能化就好.

G: 小g. 終於比我度到條絕世好橋, 呢次掂喇!

g: 願聞其詳

G: you! complete me!

g: 老實講, 我覺得你呢個人越黎越語無論次

G: oh my god! what did you say?

g: 放肆

G: 我就係橋. 橋觀兩岸, 兩岸觀橋. son of the bridge! g5g?

g: 你講野可唔可以直接d?

G: i love you. happy valentine.

Bitty A.
Let it B.

寫C.
Canon in D.

That is Y.
That is 3.

- 因發錯短訊, 而成為SMS筆友;
- 海關留意著出生日期, 說Happy Boarding;
- 太宰治同泰戈爾, 是否都愛看肥溫的Titanic;
- 世上最矛盾的名字叫錦鯉;
- 店員聲稱一對永久保養的gray crocs, 灰膠鞋;
- 列車門前. 婆婆輕輕的, 以拐杖凝住了中環的活動;
- 我們在波托菲諾的十字路口吃著鵝肝, 談倒. 提. 轉. 收;
- 傳聞國際奧委會及聯合國正商討今後將以奧運精神發展一套全新經濟體系;
- 一夜間MSN所有人名字前都多了一個(Y), 百事可樂.

上網拉近左地域距離, 同時拉遠左人同人既關係. 一個小匣子, 居然可以隨時得到一個人每日既近況, 影像同聲音. 但, 接觸既理由小左, 期待, 掛念都小左. 平日只需要上網處理一下社交, 一個個IM彈出黎, 呢個開webcam, 呢個唔洗見, 呢個可以傾, 呢個要封鎖. 速戰速決, 江湖再見.

開心, 近日聽到幾把好耐無聽既聲音, 大家都話 : 居然上唔到網

每次壞風扇果陣, 都會諗起你既好, 任何新款式都比唔上你.

雖然我都鐘意某幾款鴻運扇,
雖然我仲記得你當日趁我訓覺, 將一隻又一隻甲由掉到我身上.

但你就係最好.

知到你就拆, 先驚覺你已靜靜係我身邊二十年. 答案是忍耐嘛?
可惜我冇戀物癖. 如果我係甲由的話, 相信已經捨身撲向你.

名字.

是三字經, 人之初, 媽叫我, 我叫媽.

是0123456789, 分類標籤.

是index.html, 互動基礎@www.

是iPod, 60GB悲歡離合.

 

名字是認知, 分子, 格式, 回憶.

有日, 龜龜同兔兔傾計, 不知不覺講到邊個跑得快, 於是兔兔乘機撩龜龜比賽跑步. 一開始, 兔兔已經大幅領先. 結果, 兔兔贏左, 龜龜都完成左賽事.

然後?

有日, 龜龜同兔兔傾計, 不知不覺講到邊個跑得快, 於是兔兔乘機撩龜龜比賽跑步. 一開始, 兔兔已經大幅領先, 但冇幾耐, 兔兔就明白其實比賽前大家已經心知自己係快定慢. 於是兔兔做左一個決定. 結果龜龜趕上, 贏兔兔.

然後, 龜龜同兔兔都贏了.

龜龜同兔兔都聽過好多關於緣份既故仔. 由其自從動物學會利用河水將物件瞬間來回大海既技巧, 本來唔識對方既北極熊同袋鼠可以相約下一秒係紐約欣賞人類遺跡, 或者一齊去非洲平原數星, 緣份都係平常事.

地域距離消失後, 老一輩動物認為跑步係有某種哲學意義的. 但年輕既都唔鐘意跑. 乜野証明存在, 體驗同選擇都係廢話. 只要稍為集中精神就可以去到任何地方, 明明享受眼前傾刻變成另一個新世界, 點解仲要流無謂既汗.

至於人類, 佢地唔係絕左種, 佢地生存系火星一座自己用金錢堆砌出黎既城市入面. 火星人很文明, 很滿足.

然後, 龜龜同兔兔開始結束佢地既故事.

偶爾閉起雙眼, 隨著巴哈的海浪聲重回妳身邊.

妳靜靜睡著, 與我一起吞吐淡淡的麝香, 在夢中起舞.

天亮了.

已被湧進陌生地方, 獨自泛起漆黑的浪水.